Алматы облысының Жауғашты ауылында орналасқан №10 әйелдер колониясында Дүниежүзілік ЖИТС-пен күрес күніне арналған концерттік бағдарлама өтті. Іс-шараның мақсаты – тергеуде ұсталушылардың АИТВ және жыныстық жолмен берілетін инфекциялар жөніндегі ақпараттандырылу деңгейін арттыру, алдын алу шаралары туралы білімдерін нығайту, сондай-ақ АИТВ-мен өмір сүретін адамдарға толерантты көзқарас қалыптастыру болды.
Бағдарлама барысында жүргізуші қатысушыларды қарсы алып, күн тақырыбын жариялап, профилактикалық жұмыстың маңыздылығын және АИТВ инфекциясы мәселесіне тап болған адамдарға құрметпен қараудың өзектілігін атап өтті. Бұдан кейін іс-шараға шақырылған қонақтар таныстырылды. Олардың қатарында №10 мекеменің медициналық қызметінің аға дәрігері Б. Рахымбердиев, мекеме бастығының тәрбиелік жұмыс жөніндегі міндетін атқарушы, әділет майоры А. Сейітов және Алматы облыстық ЖИТС орталығының эпидемиологы А. Ибраимова болды.
Ақпараттық-музыкалық бөлімде АИТВ туралы бейнематериалдар көрсетіліп, тергеуде ұсталушылардың көркем шығармашылық және музыкалық нөмірлері ұсынылды. Бағдарлама ашық диалог пен ағартушылық сипатта өтіп, қатысушыларға білімдерін кеңейтуге және өздерін толғандырған сұрақтарға жауап алуға мүмкіндік берді.
Іс-шара соңында жүргізуші қорытынды сөз сөйлеп, ЖИТС орталығының өкілдері белсенді қатысушыларға алғыс білдіріп, грамоталар мен естелік сыйлықтар табыстады.
